Kosova

Presidentja Osmani në Bruksel, takohet me shefin e NATO-s

Presidentja e Kosovës, Vjosa Osmani, takohet sot me Stoltenberg-un

E enjte, 7 Shtator 2023 - 9:20 albinfo.ch

Bëhet e ditur se presidentja e Kosovës, Vjosa Osmani, do të takohet sot me Sekretarin e Përgjithshëm të NATO-s, Jens Stoltenberg, në selinë e NATO-s në Bruksel, përcjell albinfo.ch.

Edhe pse misioni paqeruajtës është prezent në Kosovë që nga viti 1999, i njëjti vazhdon t’iu referohet krerëve shtetërorë pa titujt përkatës.

Në agjendën e publikuar nga Zyra për media e NATO-s, Osmanit as kësaj radhe nuk i janë referuar si presidentja e Republikës të Kosovës, por vetëm “Ms. Vjosa Osmani, Sadriu from Kosovo”.

Ndërkaq aty bëhet e ditur se pas takimit Osmani dhe Stoltenberg do të mbajnë konferencë për media. Sipas njoftimit, konferenca është paraparë të mbahet në orën 14:30.