Presidentja Osmani: Djemtë e Kosovës treguan zemër dhe karakter

Vjosa Osmani lavdëron ekipin e Kosovës pas fitores në Suedi

Presidentja e Kosovës, Vjosa Osmani, ka përgëzuar Kombëtaren pas fitores ndaj Suedisë, duke e cilësuar paraqitjen e futbollistëve si shembull të zemrës dhe karakterit, përcjell albinfo.ch.

“Djemtë e Kosovës treguan zemër, karakter dhe lojë fantastike sonte ndaj Suedisë, duke na kujtuar se kur luajmë me shpirt, asnjë sfidë nuk është e pamundur,” ka shkruar Osmani në Facebook.

Ajo shtoi se rruga e Dardanëve drejt fitoreve vazhdon, duke uruar ekipin për suksesin historik në Goteborg.

---