Presidenti Thaçi udhëtoi për në Bruksel

Nesër do të mbahet takimi mes Presidentit të Kosovës, Hashim Thaçit dhe atij të Serbisë, Aleksander Vuçiq.

Nesër pritet të mbahet takimi për normalizim të mardhënieve mes Kosovës dhe Serbisë.

Me anë të një njoftimi zyra për media e Presidetit Hashim Thaci ka njoftuar se ky i fundit ka udhëtuar sot për në Bruksel.

“Me ftesë të Përfaqësueses së Lartë për Politikë të Jashtme dhe për Siguri të Bashkimit Evropian, Federica Mogherini, Presidenti i Republikës së Kosovës, Hashim Thaçi, ka udhëtuar për në Bruksel”, thuhet në njoftim.

Me ndërmjetësimin e Bashkimit Evropian, presidenti Thaçi nesër do të zhvillojë takim edhe me Presidentin e Serbisë, Aleksander Vuqiç, në kuadër të fazës së fundit të dialogut për normalizimin e marrëdhënieve ndërmjet dy shteteve, shkruan Albinfo.ch.