Praktika zvicerane – shumë vende të lira, pak aplikues

EPA/YURI KOCHETKOV

Shifrat në vendet e paplotësuara të praktikës tregojnë vështirësinë e përputhjes së ofertës dhe kërkesës në tregun e punës.

Këtë vit ka pasur 12,000 pozicione të paplotësuara të praktikës në Zvicër.

Modeli i praktikës në Zvicër, i cili ndihmon në përputhjen e aftësive të punëtorëve me kërkesën e punëdhënësve, është nxitës i papunësisë së ulët të Zvicrës (4.9%).

Annette Grüter, këshilltare për karrierën e të rinjve, për gazetën NZZamSonntag tha se ndjekja e rrugës për në universitet është bërë më e popullarizuar vitet e fundit, një trend që duket se nxitet nga një rritje e statusit të perceptuar të një arsimi universitar. Një rrugë më akademike gjithashtu lejon studentët të mbajnë opsionet e tyre të karrierës të hapura për më gjatë, diçka tërheqëse për gjithnjë e më shumë të rinj, shkruan albinfo.ch.

Në të njëjtën kohë kjo prirje po krijon një sfidë për punëdhënësit. Nga 87,000 vendet e praktikës, të ofruara këtë vit në Zvicër, 75,000 janë mbushur, duke lënë punëdhënësit të ngecur me 12,000 vende të lira pune.

Sektorët më të goditur janë parukeria, pjekja, thertaria dhe hotelieria.