Porsche synon të dominojë tregun e veturave elektrike

Foto ilustrim

Pa diskutim, Porsche është ndër kompanitë me teknologjinë më të avancuar te veturat në tregun aktual.

Kompania gjermane ofron disa nga supermodelet më të mira sportive dhe ka versionin më të veçantë hibrid në treg – Panamera Turbo S E-Hybrid Sport Turismo.

Megjithatë, prodhuesi thotë se nuk do të ndalet dhe premton vendosjen e standardeve të reja në tregun e veturave elektrike.

Në një intervistë të fundit, shefi i financave në kompani, Lutz Meschke ka shpjeguar se si Porsche do të merret me elektrifikim dhe se si dëshiron të ketë përfitime të mëdha gjatë këtij procesi.

“Është cak strategjik. Na duhet të strukturojmë kompaninë që të jetë në pozitë të mirë të vë standarde në elektrifikim”, ka thënë ai duke shtuar se Porsche do të investojë 3.5 miliardë dollarë në teknologjinë e veturave elektrike.

Ai ka bërë të ditur se vetura e parë tërësisht elektrike e Porsches do të dalë në rrugë më 2019.

Megjithatë, kompania do të vazhdojë të mbajë ritmin edhe te veturat me djegie për dhjetë vjet.