Polonia tërhiqet nga diskriminimi kundër LGBT-së, pas humbjes së fondeve nga BE-ja

Një rajon në jug të Polonisë ka rrëzuar një rezolutë kundër komunitetit LGBT, pasi rrezikonte të humbte fondet e Bashkimit Europian.

Asambleja rajonale e qytetit Swietokrzyskie votoi gjatë një seance të jashtëzakonshme të mërkurën për të revokuar rezolutën, e cila u miratua për herë të parë më 2019 nga dhjetëra bashki në Poloni.

Kjo është hera e parë që një rajon polak distancohet nga deklarata se është “hapësirë pa LGBT”.

Qeveria polake u kishte kërkuar autoriteteve lokale që të tërhiqeshin nga rezoluta, përmbajtja e së cilës ishte thjesht simbolike në thelb, kundër komunitetit LGBT.

Aktivistët e LGBT-së kishin nxitur BE që të tregohej më e ashpër për t’i mbrojtur prej diskriminimeve dhe mirëpritën zhvillimet e fundit.

Aktivisti Bart Staszewski e cilësoi si një “ditë e madhe për Poloninë dhe një sukses i rëndësishëm për aktivistët dhe shoqërinë civile”.