Policia zvicerane ndalon furgonin, brenda u gjenden 14 sirianë të dyshuar

Policia ka ndaluar sot një furgon të mbushur me 14 persona në kantonin qendror të Zvicrës, Uri.

Furgoni, i cili tashmë kishte shmangur kontrollet e policisë në veri të Italisë, ishte ndjekur më parë nga disa makina policie, teksa sipas swissinfo, policia dyshon se të gjithë personat janë shtetas sirianë dhe tashmë ata ndodhen në paraburgim, shkruan albinfo.ch.

Policia kantonale e Urit ka marrë informacion për automjetin nga Zyra Federale e Doganave dhe Sigurisë Kufitare.

Policia e Urit ngriti një pikë kontrolli në portalin verior të tunelit Gotthardstrasse në Göschenen për të ndaluar automjetin, ndërsa shoferi nuk është ndalur dhe ka vazhduar drejtimin me shpejtësi të reduktuar.

Policia kantonale e Urit e ndoqi furgonin me disa automjete përpara se të ndalonte dhe të zbulonte ngarkesën e tij njerëzore.