Policia zvicerane: Mos merrni udhë pa pasur nevojë të domosdoshme

"Sa më shumë që të gjithë ne arrijmë të heqim dorë përkohësisht nga disa liri, aq më shpejt do t'i rikthejmë ato liri"

Një pjesë e madhe e popullsisë po respekton rregullat e vendosura për shkak të koronavirusit. Trupat e policisë kanë nxjerrë këtë bilanc, shkruan srf.ch.

Kështu ka thënë Blättler, Kryetar i Konferencës së Komandantëve të Policive Kantonale të Zvicrës në konferencën për media që është mbajtur pak orë më parë në Bernë.

Për shkak të motit të ngrohtë sot dhe i cili parashihet të vazhdojë edhe gjatë ditëve të Pashkëve, policia planifikon të rrisë praninë e saj në rrugë në ditët në vijim, ka thënë më tutje Stefan Blättler, transmeton albinfo.ch. Por, mbyllja e rrugëve aktualisht nuk është opcion, ka shtuar ai. Veç tjerash, ai ka bërë të ditur se policia pritet që këto ditë të shtojë praninë e saj në rrugë dhe në vende publike.

Blättler i ka bërë thirrje popullatës që të përmbahet nga udhëtimet “të panevojshme”. “Sa më shumë që të gjithë ne arrijmë të heqim dorë përkohësisht nga disa liri, aq më shpejt do t’i rikthejmë ato liri”, përcjell albinfo.ch. Por kjo ka nevojë për gatishmërinë e të gjithëve, thotë Blättler.

---