Policia shqiptare ndalon 27 refugjatë dhe arreston trafikuesit

Bëhet e ditur se janë arrestuar tre shqiptarë, të cilët për pagesë prej 600 e deri në 1,200 euro për një refugjatë, u kishin premtuar atyre se do t’i dërgonin në vendet e Bashkimit Evropian

Policia e Shqipërisë i ka ndalur 27 njerëz nga Siria, Iraku dhe Sudani, që janë përpjekur ta kalojnë këtë vend gjatë rrugës së tyre për në pjesën perëndimore të Evropës, shkruan albinfo.ch.

Bëhet e ditur se janë arrestuar tre shqiptarë, të cilët për pagesë prej 600 e deri në 1,200 euro për një refugjatë, u kishin premtuar atyre se do t’i dërgonin në vendet e Bashkimit Evropian.

Nëse shpallen fajtorë ata mund të dënohen me nga 10 vjet burg. Refugjatët kishin ardhur nga një kamp në Selanik të Greqisë, dhe kishin kaluar nëpër hapësirat malore për të arritur në pjesën lindore të Shqipërisë.

Emigrantët, përfshirë 12 të mitur, janë dërguar në një kamp për kujdes emergjent, para se ata të kthehen prapë në vendet prej nga kanë ardhur.

Deri tash, Shqipëria nuk ka qenë rrugë kryesore tranzitore për emigrantët për në Bashkimin Evropian, megjithëqë grupe të vogla kanë provuar të kalojnë për të arritur në vendet e dëshiruara.