Policia gjermane arreston dhjetë të dyshuar për përgatitje të një sulmi terrorist

Dhjetë vetë u arrestuan në Gjermani për shkak të dyshimeve se ata po planifikonin një sulm terrorist, raportojnë agjencia gjermane e lajmeve DPA, përcjell albinfo.ch

Ata po planifikonin të përdorin një mjet dhe armë për të kryer sulmin me qëllim të “vrasjes së sa më shumë njerëzve”, thanë prokurorët, sipas Reuters.

Një person i 11 u arrestua gjithashtu, por “në një kontekst tjetër, sepse hetimi është drejtuar vetëm ndaj dhjetë të pandehurve midis 20 dhe 42 vjeç”, tha një zëdhënës i prokurorisë për DPA, përcjell albinfo.ch

Disa nga të dyshuarit janë shtetas gjermanë, tha zëdhënësja

Të dyshuarit kryesorë janë një burrë 21-vjeçar nga Offenbach, një qytet pranë Frankfurtit dhe dy vëllezër 31 vjeç nga Wiesbaden, gjithashtu jashtë Frankfurtit. Të gjithë besohet të jenë anëtarë të bashkësisë lokale Salafiste islamike, thanë prokurorët.

“Ata besohet të kenë rënë dakord të kryejnë një sulm terrorist islamik duke përdorur një automjet dhe armë që do të vrisnin sa më shumë ‘mosbesimtarë’, tha deklarata e prokurorëve të Frankfurtit, përcjell albinfo.ch

Policia kapi 20,000 euro në para të gatshme, disa thika, droga, dhe disa dokumente dhe gjatë bastisjeve të kryera nga ekspertët e zbatimit të ligjit.