Policë shqiptarë në Evropian

5 oficerë shqiptarë të kualifikuar që do të shoqërojnë kuqezinjtë gjatë lëvizjeve në Evropian

Forca speciale nga Policia e Shtetit pritet të ruajnë kuqezinjtë në Kampionatin Evropian të futbollit që do të zhvillohet pas pak ditësh në Francë, bën të ditur “Top-Channel”, përcjell albinfo.ch.

Autoritetet franceze kanë garantuar së fundmi siguri maksimale gjatë zhvillimit të turneut, forca speciale nga vendet evropiane do të ndihmojnë autoritetet vendase në ruajtjen e sigurisë.

Propozimi për pjesëmarrjen e forcave speciale nga vende të ndryshme gjatë Evropianit, u bë nga Ministri i Brendshëm i Francës dhe kësaj ftese iu përgjigjën shumë vende, përfshirë policinë shqiptare, por edhe atë ruse

Forcat e rendit në Shqipëri zhvilluan një testim për përzgjedhjen e efektivëve më të mirë. Nga ky seleksionim u përzgjodhën 5 oficerë shqiptarë të kualifikuar që do të shoqërojnë kuqezinjtë gjatë lëvizjeve në Evropian.