Po ngiste makinën me 114 km/orë në zonën 50 km/orë: I konfiskohet patenta

Bernë: Shoferi 36-vjeçar iu konfiskua menjëherë patenta, njoftoi policia të shtunën. Mjeti i tij u sekuestrua

Më shumë se dyfishi i shpejtësisë së lejuar: Një person po ngiste mkinën e tij me shpejtësi të madhe me 114 km/orë nëpër një zonë 50 km/orë në Bernë.

Policia e ndaloi atë dhe 23 persona të tjerë që ngisnin me shpejtësi të tejkaluar, gjatë një kontrolli të premten në mbrëmje, transmeton albinfo.ch.

Shoferi 36-vjeçar iu konfiskua menjëherë patenta, njoftoi policia të shtunën. Mjeti i tij u sekuestrua, rporton Agjencia e Lajmeve e Zvicrës, SDA.

Tre persona të tjerë u akuzuan për tejkalim shpejtësie dhe drejtim pa patentë të vlefshme. Gjithsej katër të dyshuar do të përballen me procedura ligjore.

20 persona të tjerë morën gjoba. Sipas raportimeve, kontrollet u kryen në katër vende të ndryshme.

---