Petrich: Akuzat e Martyt, nga kuzhina serbe

Ish i dërguari i posaçëm i BE-së për Kosovën, Wolfgang Petrich, e cilësoi raportin e Dick Martyt të pabazuar në fakte. I pyetur nga Top Channel, Petrich tha se të tilla akuza ishin ngritur edhe më parë nga Beogradi apo Moska.

“Këto akuza prej 10 vjetësh qarkullojnë lart e poshtë. Dje në Beograd e Moskë e sot për çudi nga një senator zviceran. Akuzat mbeten shumë misterioze, aq më tepër që këto vitet e fundit në rajon vepron NATO, EULEX dhe KB”, tha Petrich.

Vendet e BE-së janë përgjegjëse për këtë raport dhe duhet të merren seriozisht me këto akuza për të zbardhur se ku qëndron e vërteta dhe kush mund të fshihet pas akuzave ndaj qeverisë së një shtetit të pavarur.