Përplasje tramvajesh në Cyrih, tre të plagosur dhe ndërprerje të linjave

screenshot

Të mërkurën, në zonën qendrore të Paradeplatz në Cyrih, ndodhi një përplasje mes dy tramvajeve, duke shkaktuar ndërprerje të disa linjave të transportit publik, përcjell albinfo.ch.

Sipas informacioneve paraprake, tre persona kanë mbetur të plagosur si pasojë e aksidentit. Shkaqet e ngjarjes janë ende të paqarta, ndërsa autoritetet kanë nisur hetimet për të sqaruar rrethanat.

Zyrtarët e transportit publik kanë njoftuar për ndërprerje dhe devijime të përkohshme në disa linja tramvaji që kalojnë nëpër këtë pikë të rëndësishme të qytetit.

Më shumë informacion pritet të bëhet i ditur në orët në vijim, ndërsa pastrimi i vendit të aksidentit është në proces. /Albinfo.ch