Përmbysja e trendit: Gjermanët po vijnë për të bërë pazar në Zvicër

unsplash

Edhe pse mallrat e zakonshme janë përgjithësisht më të lira në Gjermani, veçanërisht tani që euro arriti barazinë me frangun, shitësit me pakicë në anën zvicerane të kufirit po vënë re më shumë klientë gjermanë në dyqanet e tyre, njofton albinfo.ch.

Arsyeja: në Gjermani maskat janë ende të detyrueshme në dyqane, kështu që turistët gjermanë të blerjeve po vërshojnë gjithnjë e më shumë në qytetet kufitare zvicerane, sipas shitësve vendas.

“Ne kemi shumë më tepër klientë nga Gjermania”, tha Ruth Domeisen, një shitëse Stein am Rhein, kantoni Schaffhausen.

“Ata duan të bëjnë pazar pa veshur maskë”.