Përleshje fizike mes Frashër Krasniqit e Xhelal Sveçlës

Deputetët Frashër Krasniqi i PSD-së dhe Xhelal Sveçla i Vetëvendosjes kanë pasur një përplasje fizike pas emisionit Rubikon në KTV, jashtë ndërtesës së televizionit, përcjell albinfo.ch.

Koha.net ka provuar të kontaktojë me dy të apostrofuarit. Teksa Sveçla nuk ka dashur të komentojë gjatë, duke hedhur poshtë se ka pasur përplasje fizike, ka thënë se ka pasur veç fjalosje, deputeti Krasniqi nuk ka qenë i qasshëm në thirrjet telefonike, raporton Koha.net, përcjell albinfo.ch.

Autori i emisionit Rubikon, Adriatik Kelmendi, ka thënë se gjatë emisionit të sotëm për dialogun me Serbinë nuk ka ndodhur asgjë e jashtëzakonshme dhe se emisioni ishte në transmetim të drejtpërdrejtë.

Përleshjen mes Sfeçlës dhe Krasniqit e ka konfirmuar për Zërin, depuetja e LDK-së, Besa Gaxherri.

“Po janë përlesh mes vete. Fatkeqësisht ka ndodhur. Unë kam qenë dëshmitare, por nuk e di qysh ia kanë nisur, vetëm kur i pashë, vërtet eskaloi situata. Adriatiku më shumë u mor me ta”, ka thënë për Zeri.info Gaxheri.