Përballja e fuqishme për rekordin “Guinness”

Dy persona janë përballur me njëri tjetrin për tërheqje lartë më së shumti për një minutë, një nga sfidat kryesore të fitnesit në Librin e Rekordeve “Guinness”.

Profesionisti italian i fitnesit, Tazio Gavioli, njihet për pjesëmarrjet e tij në disa emisione televizive duke tentuar dhe duke hyrë disa herë në librin e rekordeve. Në anën tjetër, bullgari Boris Nalbantov është i ri për këtë libër të rekordeve, por me dëshirën e madhe për fitnes arriti të hynte në garën e ngushtë.

34-vjeçari Tazio arriti të bënte 53 përsëritje gjatë tentimit të vet në Modena të Italisë, teksa 23-vjeçari Boris arriti të kompletonte vetëm një më shumë në Sofie për të thyer rekordin, shkruan Albinfo.ch.

Kjo sfidë është shumë e vështirë. Trupi aty duhet të jetë i drejtë dhe mjekra duhet të jetë mbi nivelin e hekurit në të cilin bëhet ngritja. Rekordi i kaluar ishte 51 përsëritje i vendosur nga Adam Sandel më 2016.