Për të dytën herë me radhë organizohet Festivali për Fëmijë

Ky festival do të mbahet më 16 prill, në qytetin e Borosit dhe nikoqire e këtij festivali është shoqata ”Ardhmëria”.

Një nga manifestimet e shumta me fëmijë të shoqatave shqiptare në Suedi është edhe manifestimi i organizuar nga Unioni i shoqatave shqiptare në Suedi.

Ku të njëjtit, po këtë vit po organizojnë për të dytën herë me radhë Festivalin për Fëmijë.

“Në festival do të kenë mundësi të paraqiten fëmijë prej moshës 5 e deri në moshën 15 vjeçare, të cilët do të demonstrojnë aftësitë dhe talentin e tyre në shumë fusha të artit si, interpretim, vallëzim, interpretim me instrument muzikor, recitim, imitim, lojë teatrale individuale ose grupore, paraqitje artistike apo edhe në ndonjë formë tjetër të paraqitjes e të cilën formë e pranon këshilli organizativ i Festivalit”, përcjell albinfo.ch.

Të gjitha shoqatat, ansamblet, mësuesit dhe shkollat ku mbahet mësimi plotësues në gjuhën amtare shqipe mund të paraqiten me talentet e vegjël dhe të rinj.

Paraqitja bëhet deri më 10 prill në Unionin e shoqatave shqiptare në Suedi ose në Shoqatën “Daradania”, të Borosit.

Për më të dalluarit në këtë festival, në bazë të vendimeve të jurisë së festivalit do të ndahen edhe shpërblime, kurse për të gjithë pjesëmarrësit do të ndahen mirënjohje publike.