Renditja e pasaportës së Zvicrës, e pakënaqshme

Kështu mendojnë shumë zviceranë

Para pak ditësh pasaporta e Zvicrës u rendit ndër më të mirat në botë (por jo aq mirë sa e fqinjëve të saj), përcjell albinfo.ch.

Për sa i përket numrit të vendeve që qytetarët e një kombi mund të hyjnë pa vizë, pasaporta zvicerane renditet në vendin e pestë në mbarë botën.

Ky është konstatimi i renditjes globale të pasaportave 2023, i publikuar këtë javë nga konsulentët e migracionit Henley & Partners me qendër në Londër. Indeksi bazohet në të dhënat e Shoqatës Ndërkombëtare të Transportit Ajror (IATA), e cila mbledh informacion për 199 pasaporta të ndryshme dhe 227 destinacione udhëtimi.

Pasaporta e Zvicrës ndan vendin e pestë me Portugalinë, Norvegjinë, Zelandën e Re dhe Maltën.

Megjithatë, ajo renditet më poshtë se fqinjët e saj: pasaportat e Gjermanisë dhe Italisë janë në vendin e dytë dhe ato të Austrisë dhe Francës në vendin e tretë.

Zviceranët nuk janë ndarë të kënaqur me këtë rënditje, pasiqë vite me pare pasaporta e tyre ishte në krye të listës.

Vendi me pasaportën më të mirë në botë, të paktën përsa u përket udhëtimeve ndërkombëtare, është Singapori.

---