Për shkeljen e privatësisë dënohet Facebook-u

Me 5 miliardë dollarësh është dënuar Facebook-u nga rregullatorët amerikanë për shkak se një hetim zbuloi se ky rrjet social ka shkelur privatësinë e të dhënave të përdoruesve.
Mediat amerikane raportojnë se Komisioni Federal i Tregtisë ka vërtetuar pretendimet se konsulenca politike Cambridge Analytica ka marrë në mënyrë të paligjshme të dhënat e rreth 87 milionë përdoruesve nga Facebook.
Facebook dhe FTC i thanë BBC se nuk kishin asnjë koment për raportet, transmeton albinfo.ch.
FTC filloi hetimin e Facebook në mars të vitit 2018, pas njoftimeve se Cambridge Analytica kishte qasje në të dhënat e dhjetëra miliona përdoruesve të saj.
Hetimi u përqendrua në faktin nëse Facebook kishte shkelur një marrëveshje të vitit 2011 nën të cilën kërkohej të njoftonte qartë përdoruesit dhe të fitonte “pëlqimin e shprehur” për të ndarë të dhënat e tyre.