Për 20 vjet zhduket një e katërta e zogjve në tokat bujqësore

Numri i zogjve që jetojnë në tokat bujqësore ka rënë për një të katërtën për 20 vjet në Zvicër. 350.000 zogj që qëndronin në foletë e tyre nëpër livadhe dhe fusha të ndryshme janë zhdukur gjatë kësaj periudhe, alarmohen Instituti Zviceran Ornitologjik dhe Shoqata Zvicerane për Mbrojtjen e Shpezët (ASPO).

Të dyja organizatat mbështeten në politikën e re bujqësore 2014-2017 dhe kërkojnë nga Parlamenti të pranojë masat e ndërmarra për mbrojtjen e mjedisit. Teksti parashikon kryesisht të shpërblejë me pagesë direkte bujqit dhe fermerët që punojnë në favor të mbrojtjes së natyrës.