Pensionohet stjuardi 83 vjeçar, pas 63 vitesh punë!

Ron Akana ka shërbyer si shoqërues fluturimi (stjuard) për 63 vjet me radhë. Në fundjavën e kaluar Akana 83 vjeçar ka pasur fluturimin e tij të fundit në detyrë si stjuard për kompaninë amerikane United airlines, me çfarë edhe ka realizuar një rekord botëror për kohëzgjatjen dhe moshën në këtë profesion. Me këtë rast rekordi i tij është shënuar edhe në librin e rekordeve të Ginisit.

63 vjet më parë, Akana, student 20 vjeç, ishte ndër shoqëruesit e parë meshkuj, të fluturimeve.

Fluturimin e fundit ai e ka realizuar nga Denveri në Kauai të Havajeve, ku dhe e kishte filluar karrierën. Në vitin 1949 si student në University of Hawaii Akana e kishte parë një shpallje në të cilën United Airlines kërkonte një stjuard.

“Ne atëbotë as nuk e dinim saktësisht se çka është stjuardi ose shoqëruesi i fluturimit”, kujton 83 vjeçari. Por, doli të ishte një sfidë interesante dhe , ne, thjesht, kemi punuar me kënaqësi bashkë me vajzat, stjuardesa”.