Pence i kundërvihet Trumpit: “I qëndroj besnik kushtetutës”

Betimi i tij për të mbrojtur kushtetutën nuk e lejon ta bëjë këtë, njoftoi Pence pak para fillimit të sesionit të së mërkurës, të cilin ai e kryeson në cilësinë e Presidentit të Senatit.

Nënpresidenti i SHBA Mike Pence sapo ka deklaruar se nuk dëshiron të refuzojë në mënyrë të njëanshme në sesionin e Kongresit votat nga kolegji zgjedhor për të vërtetuar rezultatet e zgjedhjeve presidenciale, shkruajnë mediat amerikane-

Betimi i tij për të mbrojtur kushtetutën nuk e lejon ta bëjë këtë, njoftoi Pence pak para fillimit të sesionit të së mërkurës, të cilin ai e kryeson në cilësinë e Presidentit të Senatit.

Pence kështu ka kundërshtuar kërkesat e Presidentit të SHBA Donald Trump, transmeton albinfo.ch. Republikani i mundur në zgjedhje, kishte rritur presionin mbi zëvendësin e tij në ditët e fundit duke i kërkuar për të përmbysur fitoren e zgjedhjeve të demokratit Joe Biden.

Në një seancë të përbashkët të Senatit dhe Dhomës së Përfaqësuesve, deputetët do të numërojnë votat e Kolegjit Zgjedhor.

Në rastin kur një kandidat merr 270 ose më shumë vota elektorale, Kryetari i Senatit, aktualisht Nënpresidenti i SHBA Mike Pence, bën të ditura rezultatet.

Mbi bazën e zgjedhjeve të 3 nëntorit, Biden, me 306 vota të Kolegjit Zgjedhor prin bindshëm ndaj Trumpit i cili ka fituar vetëm 232 vota.

---