“Personat e kallëzuar, në cilësi të personave zyrtarë, përkatësisht si titullarë të institucionit qeveritar, me dashje dhe në kundërshtim me autorizimet e tyre ligjore dhe legjislacionin në fuqi, kanë ndërmarrë veprime për ndalimin (mosekzekutimin) e pagës për muajin shtator për mësimdhënësit e komunave të Republikës së Kosovës, të cilët kanë ushtruar të drejtën kushtetuese e ligjore për grevë”, thuhet në kallëzimin penal, të dorëzuar në Prokurorinë Speciale.

Tahiri shkroi në Facebook se mësimdhënësit “nuk kanë kërkuar asgjë më shumë se dinjitet dhe nuk të dënoheni vetëm pse keni zgjedhur të ushtroni të drejtën kushtetuese për grevë”.

“Edhe të hënën (pas mbledhjes së Kryesisë së Kuvendit) paralajmërova zyrtarët e papërgjegjshëm të kësaj qeverie se nëse nuk i ekzekutojnë sa më parë pagat, do të parashtrojmë kallëzim penal kundër tyre. Edhe sot, bojkotuam mbledhjen e Kryesisë për këtë shkak. Mirëpo sot, po ashtu ne vepruam”, thuhet në njoftim.