Pasagjerët marrin peng ekipazhin e aeroplanit

Ekipi i aeroplanit Airbus A330-200 të premten e kaluar duhej të fluturonte nga Melburni (Australi) në Pekin (Kinë). Për shkak të motit me mjegull ai u detyrua të aterronte në Shangai. Vetëm pas aterrimit bëhet njoftimi nga kabina se piloti ishte detyruar ta anashkalonte Pekinin.

Sapo të përmirësohej moti, fluturimi do të vazhdonte për në destinim. Me këtë rast pasagjerëve u ishte lënë mundësia të flinin në hotel. Por, ata nuk i besuan stafit të aeroplanit. Kur dolën jashtë, shpërtheu mllefi tyre. Dhe viktimë ishte stafi i aeroplanit. I rrethuan ata dhe i mbajtën rreth gjashtë orë peng.

Në mesin e “pengmarrësve” kishte pasagjerë kinezë dhe australianë.

Siç shkruan gazeta “Brisbane Times” nëpunësit e kompanisë Jetstar, organizatore e fluturimit, bashkë me disa nga udhëtarët njoftuan policinë e cila e përfundoi këtë pengmarrje jo të zakonshme.