Pas 5 vitesh gjendet një trup i pajetë, dyshohet se është shqiptar

Një trup i pajetë është gjendur në një banesë të shekullit XVIII në Senago të Milanos në Itali.

Informacionet e mediave italiane bëjnë me dije se viktima duhet të ketë rreth 5 vite që ka humbur jetën. Prej hetimeve paraprake është vënë re se skeleti i gjetur është i seksit mashkull, i moshës midis 35-45 vjeç.

Gjithashtu paraprakisht dyshohet se viktima mund të jetë një shqiptar i zhdukur nga Genoa para disa vitesh, shkruan “Vision Plus”.

Një sërë emrash të personave të raportuar të zhdukur para 5 vitesh po shqyrtohen nga hetuesit, përcjell albinfo.ch.

Krahasimi i periudhës së zhdukjes së viktimës që ka ndërruar jetë së bashku me ekspertizën e thelluar mjeko-ligjore do të bëjnë të mundur identifikimin e trupit.

Ndërkohë që nuk dihet asnjë informacion në lidhje me identitetin e viktimës së gjetur.