Partia konservatore e Viktor Orban fiton bindshëm zgjedhjet

Kryeministri Viktor Orban ka fituar për herë të katërt zgjedhjet në Hungari.

Partia konservatore Fidesz ka arritut të grumbullojë 48.5 përqind të votave duke siguruar 134 ulëse në parlamentin me 199 vende.
Nacionalistët e Gabor Jobbikut fituan 20 për qind të votave, përkatësisht 27 vende, ndërsa socialistët, 11.9 për qind.

Pjesëmarrja në zgjedhje ishte më e lartë se sa pritej dhe shumë prej kritikëve të Orbanit shpresuan se kjo do të shkonte në favor të partive opozitare. Fitorja e së dielës i siguron Orbanit mandatin e tretë me radhë si kryeministër dhe të katërtin në tërësi që prej vitit 1998. Përpara katër vitesh partia e tij fitoi 43 përqind të votave.

Ai bëri fushatë me platformën kundër migrantëve dhe duke akuzuar Bashkimin Evropian dhe Kombet e Bashkuara se duan ta bëjnë Hungarinë “vend të migrantëve”.

Kjo është “një mundësi për të mbrojtur Hungarinë” thanë nga partia fituese e zgjedhjeve Fidesz.