Parlamenti i Bernës, kundër ndalimit të duhanit në këndet e lojërave

EPA/CHRISTIAN BRUNA

Parlamenti kantonal i Bernës, me 88 vota kundër dhe 61 pro ka vendosur kundër një ndalimi në mbarë kantonin për pirjen e duhanit në këndet e lojërave publike, shkruan Blick, përcjell albinfo.ch.

Parlamenti ra dakord që pirja e duhanit në këndet e lojërave ishte e pavend. Megjithatë, ashtu si qeveria, shumica e këshillit ishte e mendimit se një ndalim do të ishte i vështirë për t’u kontrolluar dhe akoma më i vështirë për t’u sanksionuar.

Mbështetësit e ndalimit të pirjes së duhanit në mbarë kantonin u përgjigjën se disa tabela informuese nuk ishin të mjaftueshme. Fëmijët duhet të mbrohen nga pirja pasive e duhanit – dhe fëmijët e vegjël nga gëlltitja e bishtave shumë toksike të cigareve.

Ndryshe, në vitin 2019, këshilli miratoi një postulat nga seria e PS-së për këndet e lojërave pa duhan.