Parkon veturën në vend të gabuar, gjobitet Lorik Cana

Lorik Cana ka marrë një gjobë në mes të Tiranës për parking të gabuar, nga një police e cila duket se nuk e njihte legjendën e futbollit shqiptar

Ish-kapiteni i Kombëtares Shqiptare të Futbollit, Lorik Cana ka marrë një gjobë në mes të Tiranës për parking të gabuar, nga një police e cila duket se nuk e njihte legjendën e futbollit shqiptar. Në makinë me Canën, në momentin e gjobitjes ka qenë edhe bashkëshortja e djali i tyre i vogël.

Cana, sipas medieve shqiptare, e kishte lënë ”Range Rover”-in e tij të ndezur, teksa po blinte te dyqani pranë rrugës.

Sipas Newsbomb, të pranishmit kanë nxituar menjëherë për të paralajmëruar ish-kapitenin e futbollit, me idenë që po e ndihmonin, por Cana me gjakftohtësi ka kryer pazarin dhe ka dal nga dyqani. Policja në këtët rast nuk është treguar ‘dorëlirë’, por pa hezitim ka shqiptuar gjobë.

“Keq e kom lanë e me këtë rast po e ndihmojmë edhe shtetin shqiptar me para”, është përgjigjur Cana. Me sa duket, një gjobë e tillë nuk përbën problem për kapitenin, llogaria bankare e së cilit nuk ka qenë aspak keq gjatë kohëve të fundit, e kjo kuptohet, falë meritës e aftësive të tij profesionale.

Lorik Cana pas 93 ndeshjeve me Kombëtaren Shqiptare, ka deklaruar pensionimin. Ai ka arritur qëllimin e tij që Kombëtaren kuqezi duke e dërguar për herë të parë në kampionatin Evropian. Lorik Cana është i vetmi lojtar që ka veshur më së shumti fanellën kuq e zi, për plot 14 vjet.