Paris: Një burrë (ISIS) ka vrarë një polic dhe gruan e tij

Vrasësi i dyshuar i një polici të hënën në mbrëmje në rajonin e Parisit ishte një burrë 25 vjeç, Larossi Abballa, i dënuar në vitin 2013 për përfshirje në një sektor të xhihadit mes Francës dhe Pakistanit, theksojnë mediet frankofone.

I gjykuar me shtatë të pandehur të tjerë, ai ishte dënuar me tre vjet burgim për konspiracion në përgatitjen e akteve  terroriste, thuhet sipas burimeve të ndryshme.

Njeriu, i cili u qëllua nga policia, ishte nga Mantes-la-Jolie, rreth gjashtëdhjetë kilometra në perëndim të Parisit.

Hulumtimet janë zhvilluar të martën në mëngjes.

I dyshuari ka vrarë të hënën në mbrëmje një polic të veshur në rroba civile para shtëpisë së tij. Ai pastaj është mbyllur brenda shtëpisë së viktimës në Magnanville (Paris) dhe ështe qëlluar për vdekje gjatë sulmit të policisë. Në shtëpi policia gjeti trupin e gruas së tij, sekretar për policinë e Mantes-la-Jolie, si dhe djalin e çiftit, të moshës tre vjeç, i tronditur, por i palënduar.

Sipas burimeve të policisë, ai ka pohuar se ishte i grupit xhihadist gjatë negociatave me policinë. Dëshmitarët u kanë raportuar gjithashtu hetuesve se vrasësi kishte bërtitur ‘Allahu akbar’ kur ka sulmuar policin.

Brenda pak orësh agjencia Amaq lidhur me grupin xhihadist pohoi se luftëtaret e Shtetit Islamik (EI) kanë vrarë çiftin pranë Parisit, sipas qendrës së monitorimit amerikan për përcjellje të xhihadistëve.