Paralajmërohet demonstratë e islamistëve në Bernë

Këshilli Qendror Islam i Zvicrës (IZRS) dhe organizata të tjera islamike kanë bërë publik vendimin e tyre që të shtunën të demonstrojnë në Bernë, siç thonë ata “për profetin tonë Muhamed dhe për mbrojtjen e ndjenjave tona fetare”.

Drejtori për siguri në qytetin e Bernës reto nause ka konfirmuar se ka pasur një kontakt në mes të qytetit dhe IZRS-së, por sipas tij ende nuk është kërkuar leje për demonstatën e paralajmëruar.

Të shtunën në Bernë është paraparë të mbahet edhe një manifestim i madh i sindikatës Unia. Për këtë arsye, sipas Qaasim Ili nga IZSR mbetet ende e hapur se ku do të caktohet vendi për mbajtjen e demonstratës.

Ai ka thënë se, për të siguruar një rrjedhë paqësore të organizimit, vetë Këshilli do të angazhojë një shërbim të vetin të sigurisë.