Lajme

Papunësia mbetet në 2 për qind në Zvicër

E martë, 9 Gusht 2022 - 11:00 albinfo.ch
(KEYSTONE/Martin Ruetschi)

Në Zvicër, papunësia mbetet në një nivel shumë të ulët, raportoi faqja e lajmeve Watson.

Me 2 për qind, shkalla e papunësisë është po aq e ulët sa mbi njëzet vjet më parë, përcjell albinfo.ch.

Në Qendrat Rajonale të Punësimit (RAV) në fund të muajit korrik janë regjistruar si të papunë 91.474 persona. Kjo është 1,037 më pak se në qershor dhe 36,805 më pak se një vit më parë, siç njoftoi të hënën Sekretariati Shtetëror për Çështjet Ekonomike (Seco).

Muajin e kaluar, më pak njerëz në Zvicër po kërkonin punë. Sipas Seco, numri i punëkërkuesve ka vazhduar të bjerë me 5,629 krahasuar me qershorin, në 163,315. Një vit më parë, pothuajse 220,000 punëkërkues u regjistruan në RAV.

 Të ngjashme

Gjykata e Strasburgut fajëson Zvicrën: Ka dëbuar padrejtësisht kosovarin

 Të tjera nga Lajme

Rritje e lehtë e numrit të përfituesve të ndihmës sociale në Zvicër

 E-Diaspora

 Jeta në Austri