Lajme
Pandemia, paralajmërimi për të rinjtë nën moshën 30-vjeçare

Autoritetet e shëndetësisë në kontinent po përpiqen të tërheqin vëmendjen e të rinjve nën 30 vjeç, duke i paralajmëruar se pandemia nuk është një lojë dhe ata duhet të tregohen të përgjegjshëm dhe të ndihmojnë në ndalimin e virusit. Kjo vjen në një kohë kur rastet mes të rinjve vazhdojnë të rriten.
Spanja është bërë tashmë vendi i parë i Evropës Perëndimore që ka regjistruar më shumë se 500 mijë raste të koronavirusit dhe autoritetet kanë kërkuar më shumë vigjilencë mes të rinjve. Ky muaj do të jetë i rëndësishëm veçanërisht për shkak se nxënësit do të rikthehen në shkolla.
Masat mbrojtëse
Sipas shifrave zyrtare, 25 për qind e rasteve të reja janë pikasur tek njerëz të moshës nga 15 deri në 29 vjeç, ndërsa ata të moshës nga 15 deri në 59 vjeç zënë 71 për qind të rasteve të reja. Të martën, Ministria e Shëndetësisë lansoi një fushatë të re që synon t’i kujtojë popullatës, veçanërisht të rinjve, rëndësinë e larjes së duarve, mbajtjes së maskës dhe distancës sociale, shkruan tch, përcjell Albinfo.ch.
Në Francë, autoritetet shëndetësore kanë regjistruar javën e shkuar një rritje shqetësuese të transmetimit të virusit, kryesisht mes të rinjve dhe një dështim të tyre për të aplikuar masat mbrojtëse.
Edhe në Irlandë të rinjtë po luajnë një rol të rëndësishëm në rritjen e infektimeve, duke ndezur paralajmërime për rihapjen e kampuseve universitare.
Personat më të ekspozuar
Sipas të dhënave, më të predispozuar për t’u prekur nga koronavirusi dhe për të ekspozuar të tjerët ndaj infektimit janë personat e moshës nga 15 deri në 24 vjeç.
Në Itali, ministri i Shëndetësisë, Roberto Speranza, u ka kërkuar të rinjve të ndihmojnë në vënien nën kontroll të koronavirusit, ndërkohë që mosha mesatare e të infektuarve të rinj ka rënë në 32 gjatë 30 ditëve të shkuara.
Edhe në Gjermani numri më i madh i të infektuarve të rinj janë nën moshën 30 vjeç. Ka shqetësim të veçantë në Berlin, ku qarkullimi i virusit mes 20 deri 24 vjeçarëve është i lartë.
E-Diaspora
-
Promovohen dy libra të krijuesit, Brahim Avdyli Librat që promovohen në Konsullatën e Kosovës në Cyrih, janë: "Bota shpirtërore në krijime të veçanta",...
-
Arrestohet 18 vjeçari shqiptar në Itali, mbante mbi 220 doza kokaine në xhep
-
Vjenë: Mbi 190 profesionistë shqipfolës nga e gjithë Evropa në eventin e Illyrian Brains
-
Ulen dënimet e kosovarëve të akuzuar për skllavërim të grave: Mungojnë faktet
-
Konflikt mes shqiptarëve në Itali, vritet me thikë 35-vjeçari
Jeta në Austri
-
Austriakët arritën rekord prej 27.5 milionë udhëtime pushimesh Pavarësisht një ekonomie të dobët, entuziazmi i austriakëve për udhëtime mbetet i pashuar. Sipas të dhënave...
-
Domethënia e zgjedhjeve të Vjenës për të huajt, sezoni i alergjive dhe ngjarjet kryesore të javës në Austri
-
Vjenë: Mbi 190 profesionistë shqipfolës nga e gjithë Evropa në eventin e Illyrian Brains
-
Hetimi për aksidentin ajror në Graz në 2024 i kalon Zvicrës
-
Austri: Nxënësi 15-vjeçar pranon se ka dërguar kërcënime për bomba në tre shkolla