Panairi i bizneseve shqiptare në Austri mbahet më 21 tetor 2023, në Vjenë

Panairi i Bizneseve Shqiptare në Austri është njëri prej eventeve kryesore që organizohet nga Rrjeti i Bizneseve

Rrjeti i Bizneseve Shqiptare në Austri do të organizojë edhe këtë vit panairin e bizneseve shqiptare në Austri, i cili do të mbahet më 21 tetor, në Arena 21, MQ. Museumplatz 1, 1070, në Vjenë, njofton albinfo.at.

Gjatë kësaj dite, nga ora 10:00 – 18:00 prezantohen bizneset e suksesshme shqiptare që veprojnë në Austri nga të gjitha fushat: ndërtimtari, arkitekturë, gastronimi, turizëm, IT, media, estetikë, automobilizëm etj. Në panair, edhe këtë vit, nuk do të mungojnë me pjesëmarrje as kompani të ndryshme nga Kosova, Shqipëria dhe viset e tjera shqiptare, raporton albinfo.at.

Hyrja për vizitorë në këtë panair është falas.

Pjesëmarrja në panair nënkupton prezantimin e biznesit të kompanive të shqiptarëve në Austri para një numri të madh vizitorësh, si dhe njoftime, takime, biseda, e pse jo edhe marrëveshje pune të bizneseve mes njëri-tjetrit.

Gjatë panairit, bizneset e shqiptarëve shpërndajnë falas për vizitorët: vizitkarta, shkrepsa e stilolapsa të ndryshëm. Po ashtu, atë ditë do të shpërndahet edhe një katalog, i cili përmban të gjitha firmat pjesëmarrëse.

Panairi i Bizneseve Shqiptare në Austri është njëri prej eventeve kryesore që organizohet nga Rrjeti i Bizneseve.

---