Kosova
Pahor: Nuk pajtohem me idenë e ndryshimit të kufijve në Ballkan

Presidenti i Sllovenisë, Borut Pahor, tha se nuk pajtohet me idenë e ndryshimit të kufijve në rajonin e Ballkanit Perëndimor.
Pahor i bëri komentet në Prishtinë, pas takimit me presidenten e Kosovës, Vjosa Osmani.
I pyetur nga gazetarët për një non-paper që ka qarkulluar më herët në media, me pretendimet se ndryshimi i kufijve mund t’i zgjidhë disa çështje të hapura në Ballkan, Pahor tha se ka mendim plotësisht të kundërt me këtë.
“Me ndryshimin e kufijve nuk pajtohem. Qëndrimi im lidhur me këtë është plotësisht i kundërt. Unë dua t’i bind bashkëbiseduesit në Samitin e Bërdos që të vazhdohet me procesin e zgjerimit dhe të reformave. Kjo është një domosdoshmëri historike”, tha Pahor.
Non-paperi që ka dalë në media në muajin prill, pretendohet të jetë hartuar nga kryeministri i Sllovenisë, Janez Jansha.
Në të është supozuar se është folur për ndryshimin e kufijve, por një gjë e tillë është mohuar nga vetë Jansha.
Në gjuhën e institucioneve evropiane, non-paper është një dokument joformal, i cili ekspozohet në negociata të mbyllura brenda institucioneve të BE-së, në përpjekje për të gjetur marrëveshje për ndonjë çështje të kontestuar.
Edhe zyrtarë të Bashkimit Evropian kanë mohuar se janë në favor të ndryshimit të kufijve në Ballkan.
Presidentja e Kosovës, Vjosa Osmani, tha pas takimit me Pahorin se kufijtë e Kosovës dhe rregullimi i brendshëm “janë caktuar njëherë e përgjithmonë në shkurt të vitit 2008”, kur Kosova ka shpallur pavarësinë.
Sllovenia, më 17 maj, do të jetë nikoqire e samtit të presidentëve të rajonit të Ballkanit Perëndimor, i njohur si Procesi Bërdo-Brioni.
Bërdo-Brioni është një nismë e presidentëve të Sllovenisë dhe të Kroacisë, si dy shtete anëtare të BE-së, i cili synon forcimin e bashkëpunimit rajonal dhe nxitjen e dialogut politik midis rajonit të Ballkanit dhe BE-së.
E-Diaspora
-
Në pushime me fëmijën, në kohë shkolle: Kjo mund t`i kushtojë 1000 euro kosovares Ligji për Arsimin, në Bavari, thotë: “Kushdo që nuk siguron që të miturit në moshën e...
-
TECH FORUM 2025, Cyrih: Kosova dhe shqiptarët, një “superfuqi” e TI-së
-
Katër shqiptarë akuzohen për mashtrim kibernetik, dëmi: Mbi një miliard euro
-
Dr. Kaltrina Zahiti: Për një trajtim më të përgjegjshëm të syve
-
Gjermani: Arrestohet mërgimtari në trenin Euro-City, kishte dokumente false
Jeta në Austri
-
Austri: Buxheti i ri sjell rritje të ndjeshme tarifash për qytetarët Pasaportat, patentat dhe biletat e klimës bëhen më të shtrenjta...
-
Pesë mënyra se si mund të kurseni para kur blini ushqim në Austri
-
Vjena sheh rritje 30% të rasteve të mbidozës së drogës tek adoleshentët
-
Gjërat që nuk mund t’i mbani në makinën tuaj në Austri
-
Austriakët arritën rekord prej 27.5 milionë udhëtime pushimesh