Pacolli demanton koalicionin me Haradinajn e Veselin

Lideri i Aleancës Kosova e Re, Behgjet Pacolli ka thënë se nuk ka qenë as në Kosovë këto ditë, e lëre më të ketë takime me PAN-in

keystone

Menjëherë pasi Radio Televizionin e Kosovës e plasoi lajmi se është arritur marrëveshja në mes të koalicionit PAN )PDK-AAK-Nisma) dhe Aleancës Kosova e Re, për krijimin e qeverisë së re, ka reaguar Behgjet Pacolli, duke thënë se nuk ka kurrfarë marrëveshje me koalicionin fitues, madje ka thënë se ai nuk është fare në Kosovë.

Lideri i Aleancës Kosova e Re, Behgjet Pacolli ka thënë për “Zëri” se nuk ka qenë as në Kosovë këto ditë, e lëre më të ketë takime me PAN-in.

“Nuk ka marrëveshje, unë tani sapo u riktheva nga Zvicra”, ka thënë Behgjet Pacolli, i cili para zgjedhjeve parlamentare, ka lidhur koalicion me Lidhjes Demokratike të Kosovës të Isa Mustafës dhe me Alternativën politike që drejtohet nga Mimoza Kusari.

Ndryshe, përfaqësuesit e tri partive politike në Kosovë, PDK,AAK NISMA që kanë formuar koalicionin PAN, kanë paralajmëruar formimin e institucioneve gjatë kësaj jave.