Osmani e Kurti bëhen bashkë për zbulimin e shtatores së Ibrahim Rugovës

Presidentja Vjosa Osmani dhe kryeministri Albin Kurti kanë mbërritur në Podujevë për ceremoninë e zbulimit të shtatores të Presidentit historik, Ibrahim Rugova.

I pari në ceremoni ka arritur kryeministri Kurti, kurse pas tij presidentja Osmani.

Pranë tyre janë ulur ish-presidenti Fatmir Sejdiu dhe kryetari i Podujevës, Shpejtim Bulliqi.

Shtatorja është financuar me buxhetin e Komunës së Podujevës dhe është e vendosur në Parkun e Qytetit, afër ish-objektit të administratës komunale.