Osmani dhe Kurti bëhen bashkë në Shtëpinë e Kosovës në Davos

Mbyllet me sukses aktiviteti “Shtëpia e Kosovës” në Davos të Zvicrës, me aktivitetin e fundit “Diaspora Goes Davos”.

Presidentja e Republikës së Kosovës, Vjosa Osmani, së bashku me kryeministrin e Kosovës, Albin Kurti, morën pjesë bashkë në aktivitetin përmbyllës të Shtëpisë së Kosovës në Davos, të organizuar në kuadër të eventit “Diaspora Goes Davos”, shkruan albinfo.ch.

Ky aktivitet mblodhi sipërmarrës, inovatorë dhe liderë të diasporës kosovare, me qëllim lkrijimin e urave të reja të bashkëpunimit ekonomik, inovativ dhe institucional për Kosovën.

Mbrëmja përmbyllëse u pasurua me një prezantim të veçantë kulturor nga Ansambli Kombëtar i Këngëve dhe Valleve “Shota”.

Orkestra dhe solistët e ansamblit sollën një koncert unik me këngë dhe muzikë tradicionale nga trashëgimia kulturore e Kosovës, duke ofruar një përjetim autentik artistik dhe duke prezantuar identitetin kulturor të vendit në skenën ndërkombëtare.

Presidentja e Kosovës, nga Shtëpinë e Kosovës në Davos,  e ka komentuar si vlerësim për paqen përfshirjen e Kosovës mes shteteve themeluese në Davos.

Ajo tha se fakti që SHBA-të e kanë përzgjedhur Republikën e Kosovës ndër 20 anëtaret themeluese tregon shumë për vlerësimin që presidenti Donald Trump dhe Shtetet e Bashkuara kanë ndaj Kosovës dhe rolit tonë në paqe.”

Presidentja e Kosovës theksoi se Kosova, duke pasur përvojën e saj në ndërtimin dhe ruajtjen e paqes, është një nga modelet më të shkëlqyera se si duhet ndërtuar shteti, paqja dhe aleancat.

Lexoni po ashtu:

“House of Kosova”: Një zë nga Kosova në Davos të Zvicrës

Lexoni po ashtu:

Kurti nga Davosi: ‘Shtëpia e Kosovës’, platformë për promovimin e investimeve dhe kulturës

---