OKB dënon ‘misionin paqeruajtës’ të Rusisë

"OKB-ja mbetet e përkushtuar ndaj sovranitetit, pavarësisë dhe integritetit territorial të Ukrainës brenda kufijve të njohur ndërkombëtarisht"

Kombet e Bashkuara (OKB) dënojnë dërgimin e trupave ruse në Ukrainën lindore në kuadër të atij që Rusia e quan “mision paqeruajtës”. OKB-ja mbetet e përkushtuar ndaj sovranitetit, pavarësisë dhe integritetit territorial të Ukrainës brenda kufijve të njohur ndërkombëtarisht, ka thënë Rosemary DiCarlo, shefe e departamentit të çështjeve politike të OKB-së, shkruajnë mediat ndërkombëtare

Rreziku i një “konflikti të madh” ekziston dhe duhet të parandalohet.

Një numër vendesh kishin kërcënuar më parë me pasoja kundër Rusisë përpara Këshillit të Sigurimit të OKB-së. Asnjë nga anëtarët e organit më të fuqishëm të OKB-së nuk ka mbështetur urdhrin e Moskës për të dërguar trupa në vendin fqinj në në takimin urgjent në Nju Jork natën e të hënës (sipas orës lokale).

SHBA i sheh veprimet e Rusisë si hapin e parë drejt një pushtimi në shkallë të plotë. Rusia ndërkohë fajësoi Ukrainën dhe kërcënoi me “pasoja jashtëzakonisht të rrezikshme”. Partnerja e Moskës, Kina, është shprehur dukshëm e rezervuar dhe ka kërkuar zgjidhje paqësore.

---