OEK: Kujdesë me privatizimin

Oda Ekonomike e Kosovës, ka kërkuar nga institucionet e Kosovës, që të kenë më shumë kujdesë me privatizimin e KEK-ut dhe PTK-së

OEK-u ka kërkuar që nëpër bordet e ndërmarrjeve publike të vendosen njerëz profesional. “Në kohën kur parametrat e zhvillimit ekonomik kanë momente kthese, si rezultat i një procesi të privatizimit, siç është rasti me KEK-un, PTK-në, rasti i “Spin- off”-ve speciale, ristrukturimi dhe privatizimi i disa minierave dhe fati pazgjidhur i ndërmarrjes Trepça”, thuhet në letrën e OEK-ut. OEK ka apeluar te Parlamenti dhe Qeveria, që të marrin hapa konkret në zbatimin e ligjeve dhe akteve nënligjore që rregullojnë sferat e Bordeve dhe Agjencive të Pavarura. “Kur shumë nga këto borde, tani më janë në përfundim të mandatit, duhet të shpejtohen emërimet, por duke u kujdesur që të vendosen kuadro të përgatitura profesionalisht, që janë të gatshëm të ballafaqohen me sfidat e zhvillimit ekonomik të vendit, internacionalizimit të ndërmarresisë vendore dhe përmirësimin e imazhit të Kosovës dhe për këtë apelojnë”, thuhet në letër. “Të ndërpriten praktikat e emërimeve të militantëve partiak në këto borde të rëndësishme, Parlamenti dhe Qeveria të rrisin mbikëqyrjen dhe llogaridhënien, të bordeve dhe agjencive, Sundimi i rendit dhe ligjit si parakusht i ngritjes së përgjegjësisë individuale dhe Institucionale në vendin tonë”. Oda Ekonomike e Kosovës, rikonfirmon qëndrimin e saj se është në dispozicion të bashkërendimit me të gjithë partneret ekonomik, social dhe vendimmarrës, për përmirësimin e parametrave zhvillimor dhe imazhin e gjithmbarshëm të vendit si parakusht i stabilitetit politikë, social dhe afirmativë për Republikën e Kosovës.