OBSH shpreson që COVID-19 të përfundojë në më pak se dy vjet

Kreu i Organizatës Botërore të Shëndetësisë, Tedros Adhanom Ghebreyesus, thotë se shpreson që pandemia e koronavirusit të përfundojë në më pak se dy vjet.

Deklarata e tij vjen kur i njëjti krahasoi situatën e tanishme me pandeminë e Gripit Spanjoll, e cila kishte zgjatur dy vjet.

“Në kohën e teknologjisë në të cilën jetojmë, virusi ka gjasa të përhapet më shpejt”, u shpreh kreu i OBSH-së.

“Në të njëjtën kohë ne posedojmë njohuri si dhe teknologjinë e duhur për ta ndaluar sëmundjen”, potencoi ai.

Ndryshe, deri më tani më shumë se 22 milionë njerëz janë infektuar nga coronavirusi globalisht, ndërsa afër 800 mijë njerëz kanë ndërruar jetë, bazuar në të dhënat zyrtare, shkruan Reuters.