OBSH: Personat e vaksinuar duhet të vazhdojnë të mbajnë maskë

(Liam McBurney/Pool via AP)

Personat e vaksinuar kundër COVID-19 duhet të mbajnë ende një maskë mbrojtëse dhe të ruajnë distancën e tyre nga të tjerët, paralajmëroi sot Organizata Botërore e Shëndetësisë (OBSH).

“Ndërsa ka prova shkencore se një vaksinë ndihmon kundër zhvillimit të sëmundjes së mushkërive COVID-19, nuk është e qartë nëse e parandalon infektimin me koronavirusin e ri që mund të shkaktojë COVID-19”, thanë ekspertët e OBSH-së, raporton DPA, përcjell Albinfo.ch

Kjo do të thotë se një vaksinë mund të mos parandalojë përhapjen e virusit, vetëm shpërthimin e COVID-19.

Ekspertja e vaksinave të OBSH-së, Kate O’Brien theksoi se duhen kryer më shumë kërkime shkencore mbi vaksinën, prandaj të vaksinuarit duhet të vazhdojnë të mbajnë një distancë të përshtatshme shoqërore, të vënë maskë të lajnë sa më shpesh duart.