O’Brien dhe Escobar sot flasin për 25-vjetorin e bombardimeve të NATO-s

Ndihmës Sekretari i Byrosë për Çështjet Evropiane dhe Euroaziatike, James O’Brien, dhe i dërguari i Shteteve të Bashkuara për Ballkanin Perëndimor, Gabriel Escobar, do t’u drejtohen sot mediave përmes një video-lidhjeje, përcjell albinfo.ch.

Biseda do të jetë e fokusuar në Ballkan. O’Brien dhe Escobar do të diskutojnë edhe për 25-vjetorin e fillimit të bombardimeve të NATO-s në territorin e Kosovës ndaj objektivave ushtarake dhe policore serbe, dhe rrugën më të qëndrueshme dhe të sigurt drejt Ballkanit Perëndimor.

Biseda e tyre sot do të zhvillohet online në orën 14:15.