Sipas një njoftimi për shtyp nga parlamenti kantonal të mërkurën, “që nga fillimi i vitit shkollor 2026, nxënësit që nuk banojnë në Gjenevë nuk do të pranohen më në arsimin e detyrueshëm” në kanton, përcjell albinfo.ch.

Zyrtarët besojnë se këto masa të reja janë të nevojshme sepse “mungesa e hapësirave në shkollat publike është një burim shqetësimi në rritje”.

Ndërtimi i ndërtesave të përkohshme dhe zgjerimi i atyre ekzistuese, së bashku me masa të tjera të marra vitet e fundit, “nuk janë më të mjaftueshme për të garantuar kushte të përshtatshme dhe presioni demografik dhe migrator mbi mjediset nuk do të lehtësohet në vitet që vijnë”.

Aktualisht ka 738 nxënës që jetojnë në Francën fqinje, por që ndjekin shkollat fillore në Gjenevë.