Nxehtësia rrezikon të bëjë shumë shtëpi në Zvicër të pabanuara

@pixabay

Një pjesë e madhe e shtëpive në Zvicër do të bëhen të pabanuara në dekadat e ardhshme për shkak të nxehtësisë së lartë gjatë verës. Kjo paralajmërohet nga SonntagsZeitung, duke u referuar në Zyrën Federale të Energjisë së Zvicrës (SFOE).

SFOE kërkon përmirësime arkitekturore, por edhe masa individuale si përdorimi i mbulesave ftohëse për shtratin, sistemeve të ftohjes portative apo tekstileve speciale që ndihmojnë në ftohje.

Zyra gjithashtu kujton që sistemet e kondicionimit të ajrit, të cilat konsumojnë shumë energji, duhet të shmangen, por sistemet e centralizuara si “geoftohja” konsiderohen miqësore me mjedisin dhe ekonomike. Ky sistem kanalizon nxehtësinë në tokë përmes një rrjeti termik ose pompash gjeotermale. Gjatë dimrit, funksionon në mënyrë të kundërt për të ngrohur shtëpinë.