Numri më i madh i azilkërkuesve nga Serbia

1400 qytetarë të Serbisë kanë kërkuar statusin e azilit, kryesisht azil politik dhe ekonomik në Gjermani

Sipas një raporti të Ministrisë së Punëve të Brendshme të Gjermanisë, numri më i madh i azilkërkuesve nga Ballkani është nga Serbia, me ç`rast mbi 1400 qytetarë të saj kanë kërkuar statusin e azilit, kryesisht azil politik dhe ekonomik.

Autoritetet gjermane kanë theksuar se qytetarët e Serbisë, kryesisht nga rajoni jugor janë në numër më të madh pas atyre afgan, që kërkuan statusin e azilit në kuartalin e parë të vitit 2012.

Sipas raportit të autoriteteve në Berlin, Kosova dhe Maqedonia radhiten në vendin e tetë dhe dhjetë për nga numri i azilkërkuesve. Shifra e saktë e azilkërkuesve nga Maqedonia në kuartalin e parë ka qenë rreth 370 azilkërkues, ndërsa nga Kosova mbi 380, transmeton INA.

Nga ana tjetër, Gjermania gjatë tremujorshit të parë të këtij viti 125 shtetasve të huaj i ka dhënë të drejtën e azilit politik, ndërsa 1800 të tjerëve statusin e personave refugjatë. Për 553 të huaj, kryesisht aplikues nga vendet e Ballkanit është dhënë urdhri i deportimit.