Numri i viktimave nga vërshimet në Libi mund të dyfishohet

Foto Twitter: @OkaAlsaity

Nga rrënojat e qytetit Derna në Libi, nga ekipet emergjente janë nxjerrë trupat e pajetë të 1500 personave, ndërsa sot numri i të vdekurve ka arritur mbi 5 mijë dhe autoritetet kanë paralajmëruar se numri mund të dyfishohet.

Si pasojë e reshjeve, ujërat e rrëmbyeshëm kanë përmbytur qytetin në lindje të Libisë pas shpërthimit të dy digave, të cilat ishin mbushur me ujë pas stuhisë mesdhetare Daniel.

Sipas autoriteteve, numri i të vdekurve pritet të jetë edhe më i lartë pasi organizatat kanë thënë se 10 mijë persona rezultojnë ende të zhdukur, shkruan AP, përcjell albinfo.ch.

Përveç kësaj, autoritetet njoftuan se 40 mijë persona janë zhvendosur si pasojë e përmbytjeve në qytetin e Dernas.