Numërohen 80 % të votave me postë, LVV prin bindshëm

Lëvizja Vetëvendosje kryeson në këto vota me 71.29 për qind, pasuar nga LDK-ja me 10.66 për qind dhe PDK-ja me 9.04 për qind.

Në Qendrën e Numërimit dhe Rezultateve janë numëruar 80.43 për qind të votave me postë për zgjedhjet e parakohshme të 28 dhjetorit.

Lëvizja Vetëvendosje kryeson në këto vota me 71.29 për qind, pasuar nga LDK-ja me 10.66 për qind dhe PDK-ja me 9.04 për qind.

E në rezultatet e përmbledhura, ku përfshihen gjitha votat, kur janë numëruar 95.98 për qind të vendvotimeve, Vetëvendosja kryeson me rekord prej 50.52 për qind, pasuar nga PDK-ja me 20.48 për qind dhe LDK-ja me 13.37 për qind, transmeton albinfo.ch.

Vetëvendosja ka vendosur rekord edhe për nga numri i votave totale të mbledhura. Aktualisht i ka rreth 463 mijë. E, lideri i Vetëvendosjes, Albin Kurti, po ashtu ka vendosur rekord si më i votuari. I ka afro 382 mijë vota. I dyti në listën e Vetëvendosjes, Glauk Konjufca, është te afro 300 mijë vota.

Në top 10 kandidatët më të votuar nëntë janë nga Lëvizja Vetëvendosje.

Në Top 10 është edhe kreu i PDK-së, Bedri Hamza, që ka marrë rreth 158 mijë vota.

---