Nuk votohet për marrëveshjet tatimore

Zviceranët nuk do të votojnë, siç ishte paralajmëruar,  më 25 nëntor për marrëveshjet tatimore të Zvicrës me Gjermaninë, Britaninë e Madhe dhe Austrinë. Ky votim nuk do të mbahet pasi që iniciuesit nuk kanë mundur të grumbullojnë brenda afatit të caktuar numrin e nevojshëm të nënshkrimeve, ka njoftuar zyra kompetente federale.

Për asnjërin nga shtetet me të cilat kërkohet anulimi i marrëveshjeve tatimore nuk janë siguruar 50 mijë nënshkrimet aq sa nevojiteshin për të aktivizuar iniciativën. Vetëm sa i përket marrëveshjes me Gjermaninë, numri i nënshkrimeve ka qenë fare afër plotësimit të kushtit, dhe për këtë arsye është dashur të bëhej edhe një kontrollim ndër departamential.

Nënshkrimet i kanë mbledhur organizatat si Juso, Junge SVP, Lega dei Ticinesi dhe AUNS.