Nuk e siguron sa duhet, vetura zhytet dy metra e gjysmë në liqe

E zhytur në një thellësi prej 2,5 metrash, vetura është tërhequr me ndihmën e një traktori dhe të zhytësve të policisë

Policia zvicerane ka intervenuar të shtunën në Pont-la-Ville të Fribourgut, pasi një veturë ishte vënë në lëvizje dhe papritmas ishte zhytur në ujërat e Liqenit Gruyère. Për fat të mirë, asnjë person nuk ka qenë në veturë, njofton Policia Kantonale e Fribourgut, përcjell Albinfo.ch.

Një person 50-vjeçar, e ka parkuar veturën e tij rreth orës 8 të mëngjesit në afërsi të shtëpisë së tij në Pont-la-Ville, pa e inkuadruar në sistemin e shpejtësisë dhe me frerë dore dobët të aktivizuar, e më pas ka filluar ta tërheqë rimorkion për ta vendosur gjetiu. Përderisa ka qenë duke e tërhequr rimorkion në garazh, ai e ka vërejtur veturën e tij se si kishte marrë hov për rreth 100 metra, duke u futur në liqe.

E zhytur në një thellësi prej 2,5 metrash, vetura është tërhequr me ndihmën e një traktori dhe të zhytësve të policisë. Si rezultat i këtij incidenti, nuk është konstatuar ndonjë ndotje e liqenit.